Español English Deutch Asturianu Français Nederlands Português

Calidá

Casa de Aldea_Sele

CASA D’ALDEA ASTURIANA
Direición Xeneral de Turismu del Principáu d’Asturies

Les Cases d’Aldea asturianes identifíquense con esti anagrama y, en función de la calidá de les sos instalaciones y servicios, según del cumplimientu de condiciones específiques, clasifíquense en tres categoríes identificaes por ún, dos o trés “trisqueles”, un ancestral símbolu d’orixe celta. La nuesa casa ta inscrita nel rexistru de l’Alministración Turística del Principáu, llogrando la máxima categoría, trés trisqueles. Más información en Turismu Asturies.

logo_ceres_Sele

CASA RURAL ECOLÓXICA
Ceres Ecotur / ECEAT International

El Proyeutu Ceres Ecotur ye una iniciativa de la Fundación Ecoagroturismo, representante n’España de ECEAT International (European Centre for Ecological and Agricultural Tourism). Llogremos la Certificación d’Agospiamientos Sostenibles CERES ECOTUR, que reflexa’l compromisu la nuesa iniciativa pa colos criterios de sostenibilidá ambiental. Esti nun ye más que’l primer pasu pa mirar de siguir ameyorando el nuesu compromisu personal pa colos nuesos güéspedes y pa cola nuesu país día ente día.

 tripadvisor_Sele_Casa de Aldea en Asturias

RECOMENDADO EN TRIPADVISOR
www.tripadvisor.es

La nuesa casa ye un agospiamientu con encantu, encamentáu en TripAdvisor polos nuesos propios güéspedes y les sos opiniones son bien pervalibles pa nós, porque mnos ayuden a esforciamos pa siguir ameyorando acaldía.

 airbnb-logo_superhost_Sele

 AIRBNB SUPERHOST
www.airbnb.es

Distinguíos como agospiamientu con nivel d’hospitalidá clave, conforme los estándares d’Airbnb, en base al nuesu compromisu col serviciu ufiertáu y a les opiniones de los nuesos güéspedes: un arguyu que nos motiva para pa siguir ameyorando entá más.

 Xixon_Cuadonga_Sele

EL CAMÍN DE XIXÓN A CUADONGA
Tertulia Cultural El Garrapiellu

Desque esta vieya ruta de pelegrinación medieval asturiana a Cuadonga fuera rescatada del olvidu pol periodista Xurde Morán y el restu de miembros de la Terturlia Cultural El Garrapiellu, son miles de persones les que cada añu esfruten del so percorríu. Y Samartín de Borines atópase nún llugar clave d’ella, tres de la dura ascensión a Anayo dende Villaviciosa. Poro, y comprometíos como tamos cola cultura del país y les sos tradiciones, queremos aiudar y animar a tolos pelegrinos y andaniegos que s’agospien con nós con un picnic de despidida pa facilita-yos la xornada nel Camín a la Cueva La Santina.

Cartel Charla Guatemala

CLUB D’AMIGOS DE FÉLIX
Ceres Ecotur / Fundación Félix Rodríguez de la Fuente

El Club d’Amigos de la Fundación Félix Rodríguez de la Fuente ufierta a los sos miembros una serie de ventayes esclusives, en collaboración con proyectos colos que la Fundación comparte llinies de trabayu, al traviés del Proyeutu Ceres Ecotur: nel nuesu casu, collaboramos con una ufierta especial, un 20% de descuentu sobre la nuesa tarifa normal d’agospiu con almuerzu.