Español English Deutch Asturianu Français Nederlands Português

La Vida Sele


D’ente les posibles traducciones que podríemos escoyer pa mirar d’incorporar tolos matices de la espresión inglesa “country life” a la nuesa llingua, seique sía “vida de país” la más acondada de toes. Country Life nun significa namá vida rural, ye daqué más. Ye muncho más. Somos munchos los que práuticamente nacimos cola crisis económica, social y cultural que se ceba n’especial con Asturies dende’l postrer cuartu del sieglu XX, ensin tener entá bien claro aú mos ta empobinando la dinámica clientelar xeneradora d’un llamentable escenariu qu’a munchos mos paez dafecho ermo. Dende esti requexu, queremos facevos participar de la nuesa aventura, amosándovos cómo tamién munchos otros paisanos, escueyen día tres día, de forma callao y modesto, enfrentar los fondos cambeos sociales y económicos venceyaos a la crisis dende una perspectiva nueva dafechu. Queremos amosavos cómo ye la nueva “vida de país” que surde n’Asturies nestos tiempos inciertos, encarándolos con imaxinación y valentía. Una vida rica en valires culturales y humanos, abierta al mundu y venceyada dafechu col nuesu esceicional entornu natural. Una vida alloñada del estándar urbanu y uniformizador qu’impón el sistema. Una vida moderna que s’afirma y evoluciona dende les formes tradicionales de la vida rural, sofitándose na esencia la memoria d’un pueblu que foi y qu’entá nun quier dexar de ser.
 
Convidámosvos a vivir con nós, y d’otra forma, el presente y futuru d’esti país de nome plural, únicu y tamién máxicu: Asturies.
 
Podeis aportar al nuesu blogue equí: afayáivos, esti ye’l vuestru llar.